Të shtëna me armë zjarri janë dëgjuar para pak minutave në afërsi të Liqenit të Badovcit, në rrugën Prishtinë – Gjilan.

Dyshohet se nga të shtënat janë plagosur dy persona, të cilët ishin në automjetin e kompanisë së sigurimeve “Besa Security”, shkruan portali arbresh.info

E pas lajmit, menjëherë ka reaguar kompania “Besa Security”, ku ka shpejguar gjithë ngjarjen.

Postimi i plotë:

Të nderuar,

Në rrugën magjistrale Prishtinë-Gjilan, afër Badovcit, disa plaçkitës kanë sulmuar kombin e Transportit të Parave të Gatshme me armë të kalibrit të rëndë dhe me kallashnikov. Dy punonjës të TPG-së, janë të plagosur. Të njëjtit, falë veturës të armatosur kundër kallashnikov, jelekëve antiplumb të veshur nga punonjësit tonë dhe më pas falë një veture të FSK-së që ka kaluar pas pak minutash dhe të cilët ia kanë dhënë ndihmën e parë të dy punonjësve, sipas informatave janë jashtë rrezikut për jetë. Gjithashtu, dy pjesëtarët e tjerë të ekipës janë shëndosh e mirë. Ndërsa, plaçkitësit nuk kanë arritur t’i marrin paratë. Me respekt, Zyra për Komunikim me Media Besa Security, Kosovë.

Ndryshe, policia është në ndjekje të të dyshuarve teksa rruga Prishtinë-Gjilan është mbyllur për momentin. /arbresh.info/

Lexo edhe:

Gjuajtje me armë zjarri në afërsi të Badovcit| “Besa Security”: Të plagosurit nuk janë në gjendje të rëndë dhe paratë janë të sigurta – Arbresh.info

Grabitje e armatosur te Liqeni i Badovcit, dyshohet për dy të plagosur – Arbresh.info